Scan100592

Resensie – “PUNT VAN DIE DOLK”

As `n voormalige inligting funksionaris in die Suid-Afrikaanse Weermag met drie en dertig jaar as lid van die Staande Mag op sy record, is die outeur Peet Coetzee in `n besonderse posisie om ‘n blik in retrospek op die voormalige spesiale magte te kan bied, asook op gespesialiseerde verkennings en militêre operasies tydens die grensoorlog. Laasgenoemde is dan waaroor sy nuwe bundels (Engels en Afrikaanse weergawes) getiteld “PUNT VAN DIE DOLK en POINT OF THE DAGGER” handel – dit bied, soos die sub-titel dit stel, “Verhale van Recce Kleinspan-Operasies” of dek verkennings operasies tydens die grensoorlog.

PUNT VAN DIE DOLK en POINT OF THE DAGGER, indien mens die bundel in jou hande betrag, is `n mooi boek met `n samehang van grafiese werk en foto’s op die voorblad – `n motief wat eintlik Peet Coetzee se boeke onderskei, nl. `n besonderse gebruik van illustrasies (soos foto’s en kaarte). Dit verleen aan al Coetzee se boeke `n aangrypende kwaliteit, iets ekstra en boeiend, maar onder hierdie oppervlak aangesig word die leser met en deur die insluiting en gebruik van kaarte, foto’s en sketse van `n werklik funksionele hulpbron voorsien. Dit dra ook tot PUNT VAN DIE DOLK en POINT OF THE DAGGER se toeganklikheid by, iets wat die hele bundel vanaf die uitleg tot die taal gebruik kenmerk. Verkenning en intelligensie werk, foto-ontleding en beeld vertolking is waar Coetzee se kundigheid as soldaat gelê het. En met hierdie twee boeke bied hy erkenning en hulde aan hierdie hele dissipline waartoe hy behoort.

PUNT VAN DIE DOLK en POINT OF THE DAGGER begin met `n hoofstuk wat historiese perspektief bied op Suid-Afrikaanse baasverkenners soos Generaal de la Rey, Danie Theron asook op een van die minder bekendes wie besonderse vermelding verdien, Majoor P.J. Pretorius. Die lg. het `n een man verkenningstog teen die Duitsers onderneem en het deurslaggewend tot die Britse oorwinning oor die Duitse skip Königsberg bygedra.

Dan, in Hoofstuk Twee, volg Coetzee se bekendstelling van twee “moderne” verkenning soldate: Kolonel André Diedericks, `n verkenner soldaat van die SAW en Kaptein Chris F. Schulenburg ʼn gewese lid van die Rhodesië se SAS en Selous Scouts. Die “kleinspan” idee is om in kleingroep verkenningswerk te doen, in plaas daarvan van om groot logistiek swaar georganiseerde groepe daarvoor te ontplooi. Kleinspanne het meer sukses om klandestien te verken en om ongesiens bv. Op vyandelike basisse te spioeneer gehad. Hoofstuk Drie tot Vyf dek operasies Interrupt, Barrage en Catamaran 2 wat deur die kleinspan van Diedericks uitgevoer was.

Hoofstuk Ses is gewy aan Majoor J. Greef van Spesiale Magte se 1 Verkennings-kommando. En vanaf Hoofstuk Sewe volg weergawe, vertelling en bespreking van verkenning werk tydens spesifieke operasies soos Amazon, Kerslig en Katiso.

Posted in Uncategorized.

Leave a Reply